Feeding Program at Gift Giving activity, isinagawa sa Libacao, Aklan

Matagumpay na isinagawa ang isang Feeding Program at Gift-Giving Activity na dinaluhan ng ilang mga kabataan at residente ng 𝐁𝐫𝐠𝐲. 𝐀𝐠𝐦𝐚𝐢𝐥𝐢𝐠 sa 𝐋𝐢𝐛𝐚𝐜𝐚𝐨, 𝐀𝐤𝐥𝐚𝐧 kamakailan lamang.

Ang programa ay handog ng mga kasapi ng 𝐀𝐤𝐥𝐚𝐧 𝐂𝐨𝐦𝐦𝐮𝐧𝐢𝐭𝐲 𝐀𝐥𝐥𝐢𝐚𝐧𝐜𝐞 𝐈𝐧𝐜., katuwang ang mga tauhan ng 𝟏𝐬𝐭 𝐀𝐤𝐥𝐚𝐧 𝐏𝐌𝐅𝐂 sa ilalim ng pamumuno ni 𝐏𝐌𝐀𝐉 𝐊𝐋𝐀𝐑𝐄𝐍𝐙 𝐋 𝐒𝐈𝐀, 𝐎𝐟𝐟𝐢𝐜𝐞𝐫 𝐈𝐧-𝐂𝐡𝐚𝐫𝐠𝐞, na naghatid din ng “𝐋𝐢𝐛𝐫𝐞𝐧𝐠 𝐆𝐮𝐩𝐢𝐭” (𝐅𝐫𝐞𝐞 𝐇𝐚𝐢𝐫𝐜𝐮𝐭) 𝐬𝐞𝐫𝐯𝐢𝐜𝐞 kasabay ng nasabing aktibidad.

Layunin ng naturang inisyatiba na patuloy na maghatid ng suporta sa lahat ng mga mamamayan partikular na sa mga kabataan at ilang mga pamilya na mas higit na mas nangangailangan sa nasabing mga serbisyo.

Ang libreng gupit na hatid ng mga awtoridad ay isang patunay ng magandang epekto kapag nagkakaisa at nagtutulungan ang mga mamamayan at mga awtoridad tungo sa pagkakaroon ng solusyon sa lahat ng uri ng suliranin partikular na sa pagtugon sa mga iligal na aktibidad at sa pagpapanatili ng kaayusan at kapayapaan sa ating mga komunidad.