BPATs Mobilization: Sama-samang pagkilos para sa mas ligtas na Tiwi

Nagsagawa ang mga tauhan ng Tiwi Municipal Police Station, sa pakikipag-ugnayan sa Barangay Peacekeeping Action Teams (BPATs), ng mobilisasyon at mga aktibidad na naglalayong palakasin ang presensya ng mga tagapagpatupad ng kapayapaan sa komunidad sa Barangay Naga, Tiwi, Albay noong Nobyembre 9, 2026.

Layunin ng nasabing aktibidad na hikayatin ang aktibong pakikilahok ng mga mamamayan sa pagpapanatili ng kapayapaan at kaayusan, palakasin ang ugnayan ng kapulisan at komunidad, at paigtingin ang pagbabantay laban sa anumang uri ng kriminalidad.

Sa pamamagitan ng regular na koordinasyon, pagpapatrolya, pagpapakita ng presensya sa mga pampublikong lugar, at pakikipag-ugnayan sa mga residente, muling pinagtibay ng mga miyembro ng BPATs at mga tauhan ng kapulisan ang kanilang dedikasyon sa pagprotekta sa mamamayan at pagpapanatili ng isang ligtas, mapayapa, at maayos na pamayanan.

Ang pagpapanatili ng kapayapaan ay hindi lamang tungkulin ng kapulisan kundi responsibilidad ng bawat isa. Sa pamamagitan ng pagkakaisa, kooperasyon, at sama-samang pagkilos, mas magiging matatag ang seguridad sa ating mga barangay.