Clean-up Drive isinagawa sa General Santos City

Bilang bahagi ng pangako sa pagpapanatili ng malinis at magandang kapaligiran, isang clean-up drive ang isinagawa sa Purok Camatchilli, Brgy. Tambler, General Santos City nito lamang Enero 15, 2024.

Aktibong pinangunahan ni Barangay Captain Abdulwahid D. Bualan kasama ang kanyang mga Kagawad, BPATs, Barangay Health Workers at Secretary, ang nabanggit na aktibidad.

Kasama rin ng BLGU-Tambler ang mga personahe ng 1201st Maneuver Company, Regional Mobile Force Battalion 12 at General Santos City Mobile Force Company, mga Sangguniang Kabataan, at mga residente ng naturang lugar.

Pinasalamatan naman ng Punong Barangay ang pakikiisa at disiplina para sa lahat ng mga lumahok sa mga aktibidad upang mapanatili ang kalinisan ng kapaligiran upang maiwasan ang mga sakit.

Dagdag nito, ang aktibidad ay alinsunod sa paglulunsad ng kalinisan sa Bagong Pilipinas Program.