Feeding Program, isinagawa ng Salaam Police Advocacy Group sa Dipolog City

Isinagawa ang feeding program ng Salaam Police Advocacy Group, Dipolog City Islamic Learning at Da’wah Center, Inc., sa Purok Mabolo, South Baybay, Galas, Dipolog City nito lamang ika-15 ng Hunyo 2024.

Ang aktibidad na ito ay pinangunahan ng mga Barangay Officials sa pangunguna ni Hon. Angelito G Nob, Punong Barangay, at Non-Government Organization at iba pang Civic-Organization katuwang ang Dipolog City Police Station at Local Government Unit ng naturang lugar.

Naghatid ng serbisyong pampubliko ang naturang aktibidad sa pamamagitan ng feeding program at naging benepisyaryo ang 100 residente at 22 mga bata sa nasabing lugar.

Layunin ng aktibidad na bigyang malasakit ang mga mamamayan at iparamdam ang pagmamahal ng mga iba’t ibang ahensya ng gobyerno katuwang ang mga kapulisan.