Religious Leaders ng Mountain Province, pinangunahan ang pag-aayos ng Saint Michael Chapel

Pinangunahan at aktibong lumahok ang mga religious leaders ng Barangay Banao, Bauko, Mountain Province sa pagsasaayos ng Saint Michael Chapel noong ika-24 ng Setyembre 2024.

Nakiisa din ang mga tauhan ng Mountain Province 1st PMFC ang pagsasaayos ng simbahan sa pakikipagtulungan ng mga religious leaders at kabataan ng nasabing lugar.

Tampok sa aktibidad ang paglilinis ng kapaligiran at pag-elevate ng ground ng simbahan.

Nagkaroon din ng maikling Bible study tungkol sa mga prinsipyo ng pangangalaga sa kapaligiran. Ang pagsasaayos ng simbahan ay naglalayong mapalago ang espiritwalidad at palakasin ang pagkakaisa at ugnayan ng kapulisan, simbahan, at mamamayan tungo sa matatag at maunlad na bagong Pilipinas.