Elderly Week Outreach, handog ng Kusgan Volunteers
Matagumpay na isinagawa ang Elderly Week Outreach Program sa Iponan Church, Cagayan de Oro City nito lamang Oktubre 5, 2024. Ang naturang aktibidad ay pinangunahan ng mga miyembro ng Kusgan Volunteers kasama ang Climbs CARES, Oro Integrated Cooperative, at Strong Radio CDO.
Mahigit 110 senior citizens ang benepisyaryo at nabigyan ng tulong tulad ng serbisyong pangkalusugan, libreng gamot, hygiene kits, libreng pagkain at wheelchairs.
Layunin ng programa na suportahan at pahalagahan ang mga matatanda, bigyan sila ng mas masiglang pananaw sa buhay, at tiyakin ang kanilang kapakanan sa komunidad.
