KKDAT Lecture, isinagawa sa Maguindanao del Norte
Matagumpay na naisagawa ang Kabataan Kontra Droga at Terorismo (KKDAT) Lecture sa Barangay Mirab, Upi, Maguindanao del Norte noong ika-30 ng Disyembre 2024.
Pinangunahan ang aktibidad ng Upi Municipal Police Station, katuwang ang mga kabataan ng nasabing barangay, upang palakasin ang kanilang kamalayan hinggil sa mga isyu ng ilegal na droga at terorismo. Layunin ng KKDAT na hikayatin ang kabataan na maging aktibong tagapagtaguyod ng kapayapaan at kaayusan sa kanilang komunidad.
Sa naturang pagtitipon, tinalakay ang mga epekto ng droga sa lipunan, ang mga hakbang upang labanan ang terorismo, at ang kahalagahan ng pagbibigay-suporta sa mga programang pangkapayapaan ng gobyerno.
Nagkaroon din ng interactive na diskusyon kung saan nagbahagi ang mga kalahok ng kanilang mga opinyon at suhestiyon para sa pagpapaigting ng kampanya kontra droga at terorismo.
Ang nasabing aktibidad ay bahagi ng patuloy na kampanya ng PNP sa ilalim ng programang Bagong Pilipinas, na naglalayong bumuo ng mas ligtas at mas maunlad na mga pamayanan sa pamamagitan ng pagtutulungan ng bawat sektor.
Ang KKDAT lecture ay inaasahang magsilbing inspirasyon upang ang kabataan ay maging huwaran ng mabuting asal at aktibong katuwang ng pamahalaan sa pagsusulong ng positibong pagbabago sa kanilang lugar.
