Barangay Officials sa Peñablanca, Sinanay sa Paggawa ng Dishwashing Liquid sa Ilalim ng Livelihood Program

Bilang bahagi ng patuloy na pagsisikap na iangat ang kabuhayan sa mga lokal na komunidad, matagumpay na nagsagawa ng Dishwashing Liquid Making Lecture ang mga tauhan ng Peñablanca Police Station para sa mga opisyales ng Barangay Nannarian ngayong araw, ika-15 ng Enero, 2026.

Pinangunahan ni PCpl Ricalyn Castillanes, MCAD PNCO, ang nasabing pagsasanay bandang alas-10:40 ng umaga. Ang inisyatibong ito ay bahagi ng PNP Livelihood Program at kaugnay na rin sa adhikain ng National Task Force to End Local Communist Armed Conflict (NTF-ELCAC).

Layunin ng aktibidad na ito na mabigyan ang mga lokal na lider ng bagong kasanayan maam maaari nilang ibahagi sa kanilang mga nasasakupan, magbukas ng oportunidad para sa mga residente na magkaroon ng maliit na negosyo at karagdagang kita mula sa paggawa at pagbebenta ng dishwashing liquid at ituro ang kahalagahan ng pagiging mapamaraan at pagsasarili sa pamamagitan ng paggawa ng mga pangunahing pangangailangan sa bahay.

Ayon kay PCpl Castillanes, ang pagbibigay ng tamang kaalaman at kagamitan ay isang mabisang paraan upang labanan ang kahirapan at mapatibay ang tiwala ng mamamayan sa pamahalaan.

Sa pamamagitan ng programang ito, hindi lamang teknikal na kasanayan ang ibinibigay ng kapulisan, kundi pati na rin ang pag-asa para sa isang mas produktibong pamumuhay.

Ang Peñablanca Police Station ay patuloy na nakatuon sa pagpapatupad ng mga programang makatao at makabuluhan na direktang tumutulong sa pag-unlad ng bawat barangay sa ilalim ng kanilang hurisdiksyon.

Source: https://www.facebook.com/share/p/1a3LXW8Xec/