R-PSB Cagamutan Del Sur, Nakisaya sa Zumba Activity kasama ang mga residente
GAMAY, Northern Samar — Nakiisa ang R-PSB Cagamutan Del Sur sa isang Zumba activity kasama ang mga residente ng Brgy. Cagamutan Del Sur, Gamay, Northern Samar bilang bahagi ng pagpapatibay ng ugnayan sa komunidad at pagsusulong ng malusog na pamumuhay.
Pinangunahan ang aktibidad ni PCPT RENANTE G. DAGASDAS sa ilalim ng direktang superbisyon ni PCOL GEORGE B. BUYACAO, Acting Provincial Director ng NSPPO.
Layunin ng nasabing aktibidad na makalikha ng isang suportibo at hindi kompetitibong kapaligiran kung saan malayang nakikisalamuha ang mga residente sa isa’t isa. Sa pamamagitan nito, nababawasan ang pakiramdam ng pag-iisa at mas napapalakas ang pagkakaisa at pakikipagkapwa sa komunidad.
Nagsilbi rin ang Zumba session bilang isang masaya, abot-kaya, at inklusibong aktibidad na naghihikayat ng camaraderie, nakababawas ng stress, at nagtataguyod ng mas malusog at aktibong pamumuhay para sa lahat ng kalahok.
Patuloy namang isinusulong ng Philippine National Police ang mga programang pangkomunidad na naglalayong mapanatili hindi lamang ang kapayapaan at kaayusan kundi maging ang kalusugan at pagkakaisa ng mamamayan.
