PNP at LGU Caramoran, pinagtibay ang ugnayan sa SB Session

Aktibong nakiisa si PLT MAR JOSEPH A. REBURIANO, Officer-in-Charge ng Caramoran Municipal Police Station, sa isinagawang Sangguniang Bayan Session na ginanap sa LGU Caramoran Building noong Hunyo 15, 2026.

Sa naturang pagpupulong, ibinahagi ni PLT ReburiAno ang mga kasalukuyang programa, proyekto, at inisyatibo ng Caramoran MPS na nakatuon sa patuloy na pagpapalakas ng seguridad at pagpapanatili ng kapayapaan at kaayusan sa bayan.

Binigyang-diin din niya ang kahalagahan ng pagbibigay ng dekalidad, maaasahan, at tapat na serbisyong pampubliko bilang bahagi ng layunin ng Philippine National Police na mapanatili ang tiwala at suporta ng komunidad.

Patuloy namang pinagtitibay ng Philippine National Police at ng Local Government Unit ng Caramoran ang kanilang matatag na ugnayan at mabuting pagtutulungan upang higit pang mapahusay ang pagpapatupad ng mga batas at lokal na ordinansa.

Sa pamamagitan ng sama-samang pagkilos, nagkakaroon ng mas epektibong mekanismo para sa pagpapanatili ng kapayapaan, kaayusan, at kaligtasan ng bawat mamamayan sa buong bayan.

Ang pagtutulungang ito ay nagsisilbing patunay ng iisang adhikain ng PNP at LGU na maisulong ang mabuting pamamahala, responsableng paglilingkod, at mas episyenteng paghahatid ng serbisyo para sa kapakinabangan ng komunidad.

Samantala, hinihikayat ng Caramoran Municipal Police Station ang publiko na maging mapagmatyag at makipagtulungan sa kapulisan sa pamamagitan ng agarang pag-uulat ng anumang uri ng krimen, paglabag sa batas, o kahina-hinalang aktibidad sa kanilang lugar.

Makaaasa ang mamamayan na ang Caramoran MPS ay mananatiling tapat sa tungkulin nitong maglingkod at mangalaga, habang patuloy na itinataguyod ang katarungan, integridad, at propesyonalismo sa pagpapanatili ng kapayapaan at kaayusan sa bayan.