Force Multipliers sa Naic, Dumaan sa Capability Enhancement Seminar

Mas pinalakas ang kakayahan at kahandaan ng mga Force Multipliers sa Bayan ng Naic sa pamamagitan ng isang Capability Enhancement Seminar on Community Service Oriented Policing System (CSOPS), na naglalayong palawakin ang kanilang kaalaman sa pagpapanatili ng kapayapaan at kaayusan sa komunidad.

Layunin ng seminar na higit pang paigtingin ang koordinasyon ng mga Force Multipliers sa Philippine National Police at sa lokal na pamahalaan upang maging mas epektibo ang pagpapatupad ng mga programang pangseguridad at pagtugon sa mga pangangailangan ng komunidad.

Dumalo bilang Guest of Honor si Mayor Rommel Magbitang, na nagpahayag ng kanyang buong suporta sa mga pagsasanay na nagpapalakas sa kakayahan ng mga Force Multipliers bilang katuwang sa pagpapanatili ng kapayapaan at kaayusan sa bayan.

Ayon sa lokal na pamahalaan, mahalaga ang tuloy-tuloy na pagsasanay sa mga volunteer force upang maging mas handa at epektibo ang kanilang paglilingkod sa komunidad. Patuloy ring isinusulong ng Pamahalaang Bayan ng Naic ang mga programang nagtataguyod ng seguridad, disiplina, at aktibong partisipasyon ng mamamayan tungo sa isang mas ligtas, maayos, at maunlad na komunidad