NPD-DMFB 2^nd PSC, Nagsagawa ng Community Engagement Program sa Caloocan City

Nagsagawa ang 2nd Public Safety Company (PSC) ng District Mobile Force Battalion (DMFB) ng isang Community Engagement Program sa Dream Life Church, Barangay 176-E, Caloocan City. Layunin ng aktibidad na palakasin ang kamalayan ng komunidad hinggil sa kaligtasan, pag-iwas sa krimen, at pagpapanatili ng kapayapaan.

Pinangunahan ang programa ni PAT Bayron Afunay, 2nd PSC CAS PNCO, sa ilalim ng pamumuno ni PLTCOL JACK E. ANGOG, OIC, DMFB, at sa direktang pangangasiwa ni PMAJ ROEL R. SISON, Commander ng 2nd PSC, katuwang si Pastor Gian Paulo Pagalilawan. Tampok sa programa ang mga talakayan tungkol sa Anti-Terrorism Awareness, Crime Prevention Safety Tips, at Spiritual Upliftment na dinaluhan ng 30 kabataan at mga nasa hustong gulang.

Sa pamamagitan ng gawaing ito, muling pinagtibay ng DMFB ang kanilang patuloy na dedikasyon sa pagpapatibay ng ugnayan ng kapulisan at komunidad, pagpapalawak ng kaalaman sa kaligtasan ng publiko, at paghikayat sa aktibong pakikilahok ng mamamayan sa pagpapanatili ng kapayapaan at kaayusan.