Ugnayan ng pulisya at mamamayan, pinalakas para sa mas ligtas na San Manuel
Patuloy na pinapalakas ang ugnayan ng kapulisan at mamamayan sa pamamagitan ng isang pagpupulong sa pangunguna ni PCol Harry Lorenzo III, Acting Provincial Director ng Tarlac PPO. Layunin ng pagtitipon na mapaigting ang koordinasyon at pagtutulungan ng mga katuwang sa pagpapanatili ng kapayapaan at kaayusan sa komunidad.
Dumalo sa aktibidad si Mayor Doña Cresencia R. Tesoro, Municipal Mayor ng San Miguel, Tarlac, kasama ang mga barangay captain, barangay tanod, mga tauhan ng Philippine National Police (PNP), Municipal Local Government Operations Officer (MLGOO), at mga kinatawan ng Local Government Unit (LGU). Sa pamamagitan ng mas malapit na koordinasyon at sama-samang pagkilos, inaasahang higit pang mapapalakas ang mga hakbangin laban sa krimen at iba pang banta sa seguridad at kaligtasan ng mga mamamayan.
Ang naturang inisyatiba ay patunay ng kahalagahan ng pagkakaisa ng kapulisan, pamahalaang lokal, at komunidad para sa isang ligtas at maayos na San Manuel. Pinuri rin ang dedikasyon ng mga kapulisan, partikular si PCapt Linda, sa pagsusulong ng mga programang naglalayong palakasin ang ugnayan at pagtutulungan ng pulisya at mamamayan.
