MASELCO, mga awtoridad at mangingisda, nagtulungan sa pag-alis ng harang sa Domorog River

Matagumpay na nagsanib-puwersa ang mga tauhan ng R-PSB Team Domorog, Masbate Electric Cooperative (MASELCO), at mga miyembro ng Fisherfolk Association upang tugunan ang electrical post at kawad na nakaharang sa daanan ng mga bangka sa ilog ng Barangay Domorog, Masbate noong Setyembre 12, 2026.

Sa pamamagitan ng agarang koordinasyon, ligtas na inalis ng MASELCO linemen ang electrical post at mga kawad, katuwang ang mga kapulisan at mga fisherfolk na aktibong lumahok sa clearing activity.

Dahil dito, naibalik ang ligtas at maluwag na passage para sa mga bangkang ginagamit ng mga mangingisda sa kanilang pang-araw-araw na paghahanapbuhay.

Higit sa isang simpleng clearing operation, ipinakita ng aktibidad ang halaga ng bayanihan at shared responsibility sa pagpapanatili ng ligtas na komunidad. Ang agarang pagtugon ng mga awtoridad, kasama ang katuwang na institusyon at mamamayan, ay konkretong halimbawa ng public safety efforts na nakatuon sa tunay na pangangailangan ng komunidad—sapagkat para sa mga mangingisda, ang bukas at ligtas na daanan ay nangangahulugan ng mas ligtas na paglalayag at mas maayos na kabuhayan