Barangay-Based Support Group, lumahok sa programang “KASIMBAYANAN SA KUMPANYA” sa Valenzuela City
Malugod na nilahukan ng mga miyembro ng Barangay-based Support Group ang programang ‘KASIMBAYANAN SA KUMPANYA’ na ginanap sa T. Santiago St, Barangay Lingunan, Valenzuela City nito lamang Miyerkules, Agosto 30, 2023.
Ang nasabing programa ay pinangunahan ng mga kapulisan ng Valenzuela City Police Station upang talakayin ang layunin ng programa para sa mas tahimik at maayos na lungsod ng Valenzuela.
Naglalayon din ito na mapabilis ang ugnayan at komunikasyon sa pagitan ng pulis, barangay, at mamamayan bilang magkakatuwang sa pagsugpo at pag-iwas sa mga krimen.
