Advocacy Support Group, nakilahok sa Tree Planting Activity sa Iloilo City

Aktibong nakilahok ang mga miyembro ng Advocacy Support Group sa isinagawang Mangrove Planting Activity sa Esplanade 2, Brgy. San Pedro, Molo, Iloilo City nito lamang ika-13 ng Enero 2024.

Pinangunahan ng Iloilo City Police Station 4 ang aktibidad katuwang ang mga miyembro ng SOLO Parents-Molo Chapter, mga opisyal ng Barangay, miyembro ng 4P’s, at mga miyembro ng komunidad sa nasabing lugar.

Mahigit sa 150 na puno ng mangrove ang naitanim sa paligid ng Esplanade 2, isang proyektong naglalayong mapanatili ang kagandahan ng kalikasan.

Layunin ng grupo na magsilbing magandang ehemplo sa iba at gayundin upang mapanatili ang kagandahan at kaayusan ng kapaligiran.