Force Multipliers at Stakeholders, nakiisa sa Beef Giving para sa Muslim Community sa Pasig City

Aktibong nakiisa ang mga Force Multipliers sa isinagawang beef giving na idinaos sa Multi-Purpose Hall, Pinagbuhatan Elementary School, M.H. Del Pilar Street, Barangay Pinagbuhatan, Pasig City nito lamang Martes, Hunyo 18, 2024.

Ang aktibidad ay pinangunahan ni Mr. Y Selim Sirinoglu, President, Pacific Dialogue Foundation at Mr. Erol Bilican, School Director, Fountain International School (FIS) katuwang ang SALAAM Police Center ng DPCR.

Ito ay nilahukan ng 400 benepisyaryo mula sa Muslim Community bilang selebrasyon sa Eid AL Adha, na kilala rin bilang Festival of Sacrifice, na mayroong malalim na kahalagahan para sa mga Muslim sa buong mundo, bilang paggunita sa pagsunod ni Propeta Abraham sa utos ng Diyos.

Layunin nitong pahalagahan ang ating mga kapatid na Muslim sa tulong ng mga Advocacy Support Groups at Stakeholders para sa pagkakaisa at pagmamahalan ng bawat mamamayang nakiisa sa selebrasyong ito.