Philippine Arbor Day Tree Planting Activity, isinagawa sa Bataan

Patuloy ang aktibong pakikiisa at pagtulong ng mamamayan at Bataan 1st Provincial Mobile Force Company sa mga miyembro ng Municipal Environment and Natural Resource Office sa isinagawang Tree Planting Activity sa Barangay Bamban, Hermosa, Bataan nito lamang Miyerkules, ika-19 ng Hunyo 2024.

Ang naturang aktibidad ay naging matagumpay sa pagsisikap sa ilalim ng pamumuno ng MENRO kaagapay si Police Lieutenant Colonel Joelito R Orias, Force Commander ng Bataan 1st PMFC, Philippine Army, BFP, Hermosa LGU staffs at iba’t ibang ahensya ng Hermosa, Bataan.

Nagkaisa ang bawat indibidwal sa pagbubungkal ng lupa at pagtatanim ng mga punong-kahoy na malaking tulong para maging luntian ang paligid at maiwasan ang pagbaha sa lugar para sa kasalukuyan at sa susunod na henerasyon.