Advocacy Support Group, nakiisa sa Information Drive sa Bohol

Aktibong nakiisa ang mga miyembro ng Advocacy Support Group sa isinagawang Information Drive sa mga residente ng Sitio Cabagnawan, San Jose, Getafe, Bohol noong ika-28 ng Hulyo 2024.

Ang nasabing aktibidad ay pinangunahan ng Getafe Police Station sa pamumuno ni Police Lieutenant Carljobel P Lofranco, Officer-in-Charge at ito ay isa sa kanilang mga pagsisikap na magbigay kaalaman at seguridad sa komunidad.

Ang mga paksang tinalakay ay ukol sa R.A. 11313 (Safe Spaces Act), RA 8353 (Anti Rape Law), at RA 7610. Bukod dito, tinalakay din ang mga Tips Kontra Kidnapping, Anti-Terorrism, at kampanya laban sa kriminalidad kaugnay ng Balik Eskwela 2024.

Ang pakikisa ng iba’t ibang grupo upang mapalakas ang kahandaan at kamalayan ng publiko ay makakatulong upang itaas ang antas ng seguridad at kapayapaan sa ating komunidad.