Force Multipliers, nakiisa sa isinagawang Communal Garden sa Palapag Northern Samar

Northern Samar- Nakiisa ang mga Force Multipliers sa Communal Garden sa Brgy. Bagacay, Palapag, Northern Samar noong ika-23 ng Enero 2024.

Ang aktibidad ay pinangunahan ng mga tauhan ng Bagacay Farmer’s Association katuwang ang mga tauhan ng R-PSB Team Bagacay ng Northern Samar PPO.

Ang aktibidad ay bilang suporta sa proyekto ng DILG na “Halina’t Magtanim ng Gulay at Prutas” (HAPAG) upang wakasan ang kakapusan ng pagkain at maitaguyod ang seguridad at sapat na pagkain hindi lamang sa komunidad kundi sa buong Pilipinas.

Layunin ng aktibidad na patuloy ang pakikiisa at pakikipagtulungan ng PNP hindi lang sa kapayapaan at kaayusan sa isang lugar kundi pati na rin sa mga proyektong inilulunsad ng gobyerno para sa kabutihan ng mamamayan.